covid 19

மதம் இல்லை, மனிதம் மட்டும் தான்: 600 உடல்களை அடக்கம் செய்த இஸ்லாமிய கட்சிகள்!

Share this page with friends

மாநிலம் முழுவதும் இதுவரை 600 கொரோனா உடல்களை அடக்கம் செய்துள்ள தமுமுக, மமகவினர் உதவி கோரி வருபவர்களுக்கு தொடர்ந்து சேவை செய்து வருகின்றனர்…

கோவையில் ஒரே நாளில் 2 கிறிஸ்தவர் கொரோனா தொற்றால் உயிரிழந்தனர். இவர்களின் உடலை எந்தவிதமான மத வேறுபாடுகளுமின்றி தமுமுக, மமகவினர் நல்லடக்கம் செய்தனர். குறிப்பிட்ட கட்சியைச் சேர்ந்தவர்கள் இதுபோன்ற சேவையைத் தொடர்ந்து செய்து வருகின்றனர்.

கோவை ரத்தினபுரி பகுதியைச் சேர்ந்த முதியவர் ஒருவர் கொரானா நோய்த் தொற்றால் அரசு மருத்துவமனையில் சிகிச்சை பெற்று வந்தார். நோய்த் தொற்று குணமாகாமலிருந்த நிலையில், அந்த முதியவர் சிகிச்சை பலனின்றி பரிதாபமாக உயிரிழந்தார். இதேபோல் கோவை மதுக்கரை பகுதியைச் சேர்ந்த ஒருவரும் கொரோனா வைரஸ் தொற்று காரணமாகப் பலியானார்.

இருவரும் கிறிஸ்தவ மதத்தைச் சேர்ந்தவர்கள். இந்நிலையில், இருவரின் உடலையும் தமிழ்நாடு முஸ்லிம் முன்னேற்றக் கழகமும், மனிதநேய மக்கள் கட்சியும் இணைந்து ஞாயிற்றுக்கிழமை அடக்கம் செய்தது. இதற்காக இவர்கள் பணமோ, எந்தவிதமாகச் சலுகையும் எதிர்பார்ப்பதில்லை.

கொரோனா நோய்த் தொற்றுக்கு ஆளானவர்களை, நம் சமூகத்தில் பெரும்பாலானவர்கள் தீண்டத்தகாதவர்களாகச் சித்திரிக்கிறார்கள். பாதிக்கப்பட்டவரின் குடும்பத்தைத் தங்கியிருக்கும் பகுதியிலிருந்து காலி செய்யச் சொல்வது, என பல்வேறு உளவியல் ரீதியான தாக்குதலை முன்னெடுக்கிறார்கள்.

Thank you: tamil.samayam.com

மக்கள் அதிகம் வாசித்தவை:

கிறிஸ்தவ ஆலய ஓட்டை பிரித்து உண்டியலை உடைத்து திருட முயற்சி வாலிபர் கைது
பரமன்குறிச்சியில் மாபெரும் இலக்கிய விழா மற்றும் இலக்கிய போட்டிகள்
பத்திரிக்கைச் செய்திகள் எழுந்துள்ள சில சந்தேகங்களை களைதல் சார்பு
நெல்லை முன்னணி கிறிஸ்தவ இசை கலைஞர் திரு. ஞானதாஸ் அவர்கள் கர்த்தருக்குள் நித்திரையடைந்தார்கள்
தூத்துக்குடி- நாசரேத் திருமண்டல தேர்தல் வெற்றி பெற்றவர்கள் பொறுப்பேற்பு
800 ஆண்டுகளுக்குப் பின் வானில் தோன்றும் அரிய கிறிஸ்துமஸ் நட்சத்திரம்
கிறிஸ்தவ சபைகள், மற்றும் யூத பிரதிநிதிகளுக்கு போப்பாண்டவர் உரை
இலவச சட்ட உதவி தேவைப்படுபவர்களுக்கு
கிறிஸ்தவ மாணவர்களுக்கு தமிழ்நாடு கல்வி உதவித் தொகை - மத்திய அரசு
தமிழ்நாடு சிறுபான்மையினர் ஆணையத்தின் புதிய தலைவர் பீட்டர் அல்போன்ஸ்கு கிறிஸ்தவ தலைவர்கள் வாழ்த்து

Share this page with friends