“அற்பவிசுவாசியே, ஏன் சந்தேகப்பட்டாய்?” (மத்தேயு 14:31)
- இயேசுவோடு பயணிப்பதில் சந்தேகப்படாதே
பேதுரு இயேசுவின் வார்த்தையின்படி படகை விட்டு இறங்கி கடலின்மேல் நடந்தான். ஆனால் காற்றைப் பார்த்தபோது பயம் அவனை ஆட்கொண்டது. இயேசுவின் மேல் இருந்த பார்வை சூழ்நிலைகளின் மேல் திரும்பியபோது அவன் மூழ்கத் தொடங்கினான்.
“பேதுரு படகைவிட்டு இறங்கி, இயேசுவினிடத்தில் போக ஜலத்தின்மேல் நடந்தான்.” (மத்தேயு 14:29)
விசுவாச வாழ்க்கையில் சூழ்நிலைகளை அல்ல, இயேசுவையே நோக்கிப் பார்க்க வேண்டும்.
- கேட்பதில் சந்தேகப்படாதே
தேவனிடம் ஜெபிக்கும்போது சந்தேகமல்ல, விசுவாசமே அவசியம். அவர் வாக்குத்தத்தங்களை நிறைவேற்ற வல்லவராயிருக்கிறார்.
“நீங்கள் ஜெபம்பண்ணும்போது எவைகளைக் கேட்டுக்கொள்ளுவீர்களோ, அவைகளைப் பெற்றுக்கொள்வோம் என்று விசுவாசியுங்கள்.” (மாற்கு 11:24)
“சந்தேகப்படாமல் விசுவாசத்தோடே கேட்கக்கடவன்.” (யாக்கோபு 1:6)
விசுவாசத்தோடு கேட்கப்படும் ஜெபம் தேவனுடைய இருதயத்தைத் தொடுகிறது.
- தேவைகளுக்காக சந்தேகப்படாதே
நமது தேவைகளை தேவன் அறிந்திருக்கிறார். ஆகாரம், உடை, எதிர்காலம் ஆகியவற்றைக் குறித்து கவலைப்படாமல் அவரை நம்ப வேண்டும்.
“அற்பவிசுவாசிகளே, புல்லுக்கு தேவன் இவ்விதமாக உடுத்துவித்தால், உங்களுக்கு உடுத்துவிப்பது அதிக நிச்சயமல்லவா?” (லூக்கா 12:28)
“என்னத்தை உண்போம், என்னத்தைக் குடிப்போம் என்று சந்தேகப்படாதிருங்கள்.” (லூக்கா 12:29)
நம்மைக் காக்கிற தேவன், நம்மை நடத்தவும் வல்லவராயிருக்கிறார்.
முடிவுரை
பயணத்தில் சந்தேகப்படாதே.
ஜெபத்தில் சந்தேகப்படாதே.
தேவைகளில் சந்தேகப்படாதே.
இயேசு உயிரோடு இருக்கிறார். அவரை நம்புகிறவன் வெட்கப்படுவதில்லை.
“மெய்யாகவே நான் சீக்கிரமாய் வருகிறேன் என்கிறார். ஆமென், கர்த்தராகிய இயேசுவே, வாரும்.” (வெளிப்படுத்தல் 22:20)
