கிறிஸ்துவுக்குள் பிரியமானவர்களே,
“ஒருவனும் துரத்தாதிருந்தும் துன்மார்க்கர் ஓடிப்போகிறார்கள்; நீதிமான்களோ, சிங்கத்தைப் போல தைரியமாயிருக்கிறார்கள்.” (நீதி. 28:1)
இந்த வசனத்தில் நீதிமான்களின் தைரியத்தைச் சிங்கத்தின் தைரியத்தோடு ஒப்புமைப்படுத்தித் தேவன் கூறுகிறார். காட்டு மிருகங்களுக்கு ராஜா சிங்கம். இந்த மிருகம் தன் கெம்பீரமான கெர்ச்சனையினால் எல்லா உயிரினங்களையும் நடுங்க வைக்கிறது.
உலகம், மாம்சம், பிசாசு ஆகிய இந்த மூன்று சக்திகளும் தேவ ஜனத்திற்கு எதிராகப் போராடும்போது, இந்த மூன்று சக்திகளுக்கும் எதிராகத் தைரியமாக நாம் நிற்க வேண்டும்.
நாம் எவைகளில் தைரியப்பட வேண்டும்?
1. விசுவாசத்தில் தைரியப்படுங்கள்
வேத வசனம்: எபேசியர் 3:12
தியானத்திற்கு: 1 இராஜாக்கள் 18ஆம் அதிகாரம் — எலியாவின் விசுவாசம்.
2. இயேசுவின் இரத்தத்தினால் தைரியப்படுங்கள்
வேத வசனம்: எபிரெயர் 10:20
தியானத்திற்கு: 1 யோவான் 1:7.
3. குற்றமற்ற மனசாட்சியினால் தைரியப்படுங்கள்
வேத வசனம்: 1 யோவான் 3:21
தியானிக்கவும்: அப்போஸ்தலர் 24:16; எபிரெயர் 10:22.
4. வாக்குத்தத்தத்தினால் தைரியப்படுங்கள்
வேத வசனம்: எபிரெயர் 13:5, 6
தியானிக்கவும்: எபிரெயர் 6:11.
5. அபிஷேகத்தினால் தைரியப்படுங்கள்
வேத வசனம்: அப்போஸ்தலர் 1:8
தியானிக்கவும்: அப்போஸ்தலர் 4:13; ஏசாயா 50:4.
முடிவுரை
கலங்காதிருங்கள், அருமையான தேவனுடைய ஜனமே! நாம் எதைக் குறித்தும் பயப்படத் தேவையில்லை. பிரச்சினைகள் தனிப்பட்ட வாழ்க்கையிலோ, குடும்பத்திலோ, சமுதாயத்திலோ ஏற்படலாம். பிரச்சினை என்பது இயல்பான ஒன்று.
ஆனால், மற்ற ஜனங்களைப் போல நாம் பிரச்சினைகளை நினைத்து அழுதுகொண்டிருக்க வேண்டிய அவசியமில்லை. சங்கீதம் 91ஐ வாசித்துத் தியானித்துப் பாருங்கள். நம்மைப் பாதுகாக்க தேவன் பெரிய பாதுகாப்புப் படையையே வைத்திருக்கும்போது, நாம் இனியும் அழுதுகொண்டிருக்கலாமா?
எல்லாச் சூழ்நிலைகளையும் எதிர்கொள்ள உங்கள் இருதயத்தைப் பக்குவப்படுத்திக்கொண்டு, தேவனுக்குள் தைரியமாயிருங்கள்.
அல்லேலூயா!
MESSAGE BY: REV. B. BEVISTON
