ஒரு கிராமத்தில், மக்களை நல்ல வாழ்க்கை முறைக்கு வழிநடத்தும் நோக்கத்துடன் ஒரு தொண்டு நிறுவனம் விழிப்புணர்வு முகாமை நடத்தியது. குறிப்பாக சாராயப் பழக் கத்தின் தீமைகளை விளக்குவதற்காக, மாலை நேரத்தில் நிகழ்ச்சிகளும் செயல்முறை விளக்கங்களும் ஏற்பாடு செய்யப் பட்டிருந்தன.
அந்த நிகழ்ச்சியில், ஒரு நபர் அனைவரும் கவனிக்கும் படி ஒரு சிறிய விளக்கத்தை அளித்தார். அவர் ஒரு கண் ணாடி டம்ளரில் சில புழுக்களை போட்டார். பின்னர் அதில் சாராயத்தை ஊற்றினார். சில நொடிகளில் அந்தப் புழுக்கள் துடித்துத் துடித்து இறந்துவிட்டன.
அதைப் பார்த்த மக்கள் அனைவரும் அமைதியாக இருந்தனர். உடனே அந்த நபர், அங்கு இருந்த ஒரு குடிப் பழக்கமுள்ள மனிதனை அழைத்து, “இதிலிருந்து உங்களுக்கு என்ன புரிகிறது?” என்று கேட்டார்.
அந்த மனிதன் சிரித்தபடி, “சாராயம் குடித்தால் நம் வயிற்றிலிருக்கும் புழுக்கள் எல்லாம் சாகிவிடும் போல!” என்று பதிலளித்தான்.
இந்த பதில் சிரிப்பை ஏற்படுத்தினாலும், அது ஒரு வேதனையான உண்மையை வெளிப்படுத்தியது. உண்மையை அறிந்திருந்தும் அதை ஏற்காமல், நகைச்சுவையாக மாற்றிக் கொள்ளும் மனநிலையே மனிதனை அழிவுக்கு இட்டுச் செல்கிறது.
“குடி குடியை கெடுக்கும்” என்று நாம் எல்லோரும் அறிவோம். ஆனால் அறிந்தும் அதை விட்டு விலக மனம் இல்லாததே மிகப்பெரிய பிரச்சனை.
சாராயம் ஒரு சாதாரண பழக்கம் அல்ல; அது ஒரு ஆபத்தான அடிமைத்தனம். அது மனித உடலின் பல முக்கிய உறுப்புகளை பாதிக்கிறது. நீரிழிவு, உயர்ந்த இரத்த அழுத்தம், ஈரல் நோய், நரம்பு தளர்ச்சி போன்ற பல நோய்களுக்கு காரணமாகிறது. மேலும் மனநிலையையும் பாதித்து, கோபம், வன்முறை, மனஅழுத்தம் போன்ற பிரச்சனைகளை உருவாக்குகிறது.
ஒரு மனிதனை மட்டுமல்ல, அவரது குடும்பத்தையும் சிதைக்கும் சக்தி இதற்கு உள்ளது. உறவுகள் உடைகின் றன, அமைதி குலைகிறது, வாழ்க்கை சீர்குலைகிறது.
இதனால் தான் இறைவேதம் மதுபானத்தைப் பற்றி எச்சரிக்கிறது. வெளிப்புறத்தில் அது கவர்ச்சியாகத் தோன்றி னாலும், அதன் முடிவு அழிவாகும் என்று தெளிவாக கூறுகி றது. ஆகையால், இந்த பழக்கத்திலிருந்து விலகுவது ஒரு நல்ல முடிவு மட்டுமல்ல; அது ஒரு அவசியமான முடிவு. வாழ்க்கையை காக்க வேண்டுமெனில், இப்படியான தீய பழக்கங்களை தவிர்க்க வேண்டும்.
நாம் எடுக்கும் ஒவ்வொரு முடிவும் நமது எதிர்காலத் தை நிர்ணயிக்கிறது.
குடிக்கு அடிமையாகி
வாழ்வை அழிக்காதீர்கள்!
வாழ்க்கையைத் தேர்ந்தெடுத்து வாழ்ந்து காட்டுங்கள்!!
– போதகர். பெ. பெவிஸ்டன்
